اتر پردیش حکومت نے تعلیمی محکمہ کے اعلیٰ افسران کو امتحانات میں نقل روکنے کی سخت ہدایت دی ے۔ افسران نے نقل روکنے کے لیے اس ہدایت پر سختی سے عمل شروع کر دیا ہے۔
اتر پردیش حکومت میں ثانوی تعلیم محکمہ کی ریاستی وزیر گلابو دیوی نے شہر کے کئی اسکولوں میں اچانک معائنہ کیا۔ شہر کے دو اقیتی ادارے فضل الرحمٰن اسلامیہ انٹر کالج اور اسلامیہ گرلس انٹر کالج کا بھی معائنہ کیا۔
آج ان کالجس میں ہوم سائنس کے علاوہ دیگر مضامین کا امتحان تھا۔ اُنہوں نے امتحان مراکز پر پہنچنے کے ساتھ بچوں کو کم روشنی میں امتحان دینے پر ناراضگی کا اظہار کیا اور اسکول انتظامیہ کو معقول روشنی کا انتظام کرنے کی ہدایت دی۔
حالانکہ اُنہوں نے اندھیرے میں امتحان دینے کے سوال پر ٹالنے والا جواب دیا۔ اُنہوں نے صاف کیا کہ اسکولوں میں تمام مراکز پر امتحان کے مکمل کرانے کے بہترین انتظامات کیئے گئے ہیں۔ اپنے دورے کے درمیان گلابو دیوی کافی مطمئن نظر آئیں۔میڈیٹ
