اس موقع پر بہار پبلک سروس کمیشن میں 24واں رینک حاصل کرنے والے معیض ضیاء کو مہمان خصوصی کی حیثیت سے مدعو کیا گیا۔ موقع پر معیض ضیاء کو استقبالیہ بھی دیا گیا۔ ان کی اس کامیابی سے علاقے میں امید کی ایک کرن پیدا کرنے کے لئے لوگوں نے انہیں مبارک باد بھی دی ۔
بسنت رائے بلاک میں تقریباً 50 فیصد آبادی مسلمانوں کی ہے اور دیگر جگہوں کی طرح ہی یہ علاقہ بھی تعلیمی لحاظ سے پسماندہ ہے لیکن ام سلمی کے سالانہ تقریب میں بچوں کی صلاحیتوں کو دیکھ کر امید کی جاسکتی ہے کہ ناخواندگی کا اندھیرے میں جلد ہی یہ بچے شمع فروزاں کریں گے۔
اس موقع پر مہمان خصوصی کی حیثیت سے موجود سینئر ڈپٹی کلیکٹر معیض ضیاء نے تعلیم کی اہمیت پر زور دیتے ہوئے کہا کہ ہماری آبادی تقریبا 15 فیصدی ہے اس کے مقابلہ ملازمت میں ہماری حصہ داری انتہائی کم ہے لہذا محنت کرنے کی ضرورت ہے۔
اس موقع پرمعیض ضیاء کو ان کی بی پی ایس سی میں شاندار کارکردگی کرنے اور علاقے کا نام روشن کرنے کے لئے استقبالیہ دیا گیا اور شال اور گلدستہ پیش کیا گیا۔ لوگوں کا ان کے تئیں پیار و محبت دیکھ کر معیض ضیاء نے لوگوں کا شکریہ ادا کیا اور وعدہ کیا کہ وہ اپنے فرائض کو بخوبی نبھائیں گے اور پوری تندہی کے ساتھ ملک و قوم کی خدمت کریں گے۔
اس موقع پر ام سلمی کے ڈائریکٹر نے اس تقریب کو کامیاب بنانے کے لئے لوگوں کا شکریہ ادا کیا اور عہد کیا کہ وہ پوری تندہی سے بچوں کو تعلیم دیں گے اور امید کرتے ہیں کہ آنے والے دنوں میں معیض ضیاء جیسے افسر اور ڈائریکٹر بن کر یہاں سے نکلیں گے۔
پروگرام کی نظامت مفتی زاہد قاسمی نے کی جب کہ اس موقع پر علاقے کے مشہور و معروف عالم دین مولانا سلیم قاسمی نے بھی لوگوں سے خطاب کیا۔ اس کے علاوہ جناب انظر صاحب، محمود صاحب اور علاقے کے معزز افراد موجود تھے آپ کو بتا دیں کہ ام سلمی اس علاقہ کا ایک باوقار ادارہ ہے جس میں عصری تعلیم کے ساتھ ساتھ دینی تعلیم بھی دی جاتی ہے، اور جہاں سینکڑوں بچے علم کی پیاس بجھا رہے ہیں۔
