مئو ضلع سے گزرنے والے قومی شاہراہ 29 پر آوارہ جانوروں کا ڈیرہ بن گیا ہے۔ یہ کوئی معمولی شاہراہ نہیں ہے ، یہ وزیراعظم نریندر مودی کے پارلیمانی حلقہ وارانسی اور اتر پردیش کے وزیر اعلی یوگی آدتیہ ناتھ کے نام سے منسوب گورکھپور کو جوڑنے والی اہم سڑک ہے۔
تقریباً پوری قومی شاہراہ پر آوارہ جانوروں کا قبضہ ہو گیا ہے۔ اہم سڑک ہونے کی وجہ سے اس پر ٹریفک بھی بہت زیادہ رہتا ہے۔ آوارہ جانوروں کی وجہ اکثر سڑک پر حادثات پیش آتے ہیں۔ لاک ڈاؤن کے دوران یہ آوارہ جانور آبادی کے درمیان بھی پہنچ گئے ہیں ۔
کسی بھی مکان کے برآمدے میں یہ آوارہ جانور قابض ہو جاتے ہیں۔یہاں بزرگوں کے لئے یہ آوارہ جانور بڑا خطرہ ہیں ، ان سے تحفظ کے لئے لوگ اپنے گھروں کے باہری حصہ کو بانس اور لکڑی کی مدد سے گھیر رہے ہیں۔
دیکھنے میں یہ کسی مکان کو ہاٹ اسپاٹ کئے جانے جیسا لگتا ہے، لیکن حقیقت یہ ہے کہ عام آدمی آوارہ جانوروں کے خطرے سے اپنے مکان کو محفوظ کر رہا ہے۔ قومی شاہراہ سے آبادی کے درمیان تک ان آوارہ جانوروں کا قبضہ ہے۔ اترپردیش حکومت کے گوشالا بنانے کے دعوے یہاں بیکار ثابت ہوتے ہیں۔
