ریاست اترپردیش کے ضلع مظفرنگر میں ایس ایس پی ابھیشیک یادو نے پولیس لائن میں میٹنگ کے دوران بتایا کہ 'ڈائریکٹر جنرل پولیس اترپردیش پولیس نے گھریلو تشدد سے دوچار خواتین کی مدد کے لئے مہم ترتیب دی ہے۔'
آج خواتین کے عالمی دن کے موقع پر سینیئر سپرنٹنڈنٹ پولیس ابھیشیک یادو نے ضلع کے تمام پی آر وی عملے کو ریزرو پولیس لائن میں بریف کیا۔
اس مہم میں خواتین کے خلاف گھریلو تشدد کی شکایات کا فوری طور پر یوپی 112 پر جواب دیا جائےگا اور فوری طور پر موقع پر پہنچیں گے۔
متاثرہ خواتین 112 پر کال کرکے اپنی شکایت درج کرواسکتی ہیں۔ اس میں خواتین کی شکایت کے بعد ، پی آر وی جس میں عورت ہوگی ، متعلقہ خاتون کے گھر جاکر تفصیلی معلومات حاصل کرے گی۔ اس کے ساتھ ہی پی آر وی کے تمام عملے کو آئندہ ہولی کے تہوار تک اس مہم کی کامیابی سے تکمیل کے لئے ضروری ہدایات بھی دی گئیں۔
