ملک بھر میں کارگو کی منتقلی میں ریلویز کے بازاری حصص میں اضافہ کے قدم کے حصہ کے طورپر ساؤتھ سنٹرل ریلوے کی جانب سے کارگو ایکسپریس کے نئے نظریہ کا آغاز کیا جارہا ہے۔
اس نظریہ کے تحت حیدرآباد کے صنعت نگر سے مال بردار ٹرین نئی دہلی کے آدرش نگر تک چلائی جائے گی۔ اس ٹرین کی شروعات 5 اگست کو ہوگی۔ ساؤتھ سنٹرل ریلوے کے بیان میں یہ بات بتائی گئی ہے۔
ساؤتھ سنٹرل ریلوے تجرباتی پروجیکٹ کے طورپر اس کی شروعات کرے گا۔ ہر بدھ کو کارگو ایکسپریس ٹرین چلائی جائے گی۔ عام طورپر گاہکوں کی جانب سے بھاری مقدار میں فراہم کئے جانے والے سامان کو ایک ہی ٹرین کے ذریعہ منتقل کرنے کا کام کیاجاتا ہے۔
مزید پڑھیں: 'کسی بھی صورتحال سے نمٹنے فضائیہ ہر وقت تیار ر ہے'
یہ مال بردار ٹرین ایک ہی طرح کی اشیا سے لوڈ کی ہوئی ہوتی ہیں تاہم نان بلیک اشیا کے ٹرانسپورٹیشن میں بتدریج اضافہ ہوا ہے اسی لئے ریلوے نے اس طرح کا قدم اٹھایا ہے۔
