اس کے حصہ کے طورپر وزارت ریلویز نے تمام زونل ریلویز کو ہدایت دی تھی کہ وہ تقریبا5000نان اے سی پاسنجر ٹرینوں کے کوچس کو اس وائرس کی روک تھام کی مساعی میں ہنگامی مدد کے طورپر تبدیل کرے۔
پانچ ہزار نان اے سی کوچس جن کو انڈین ریلویز نے تبدیل کرنے کا منصوبہ بنایا ہے،ان میں ساوتھ سنٹرل ریلوے کو 486کانشانہ دیاگیا ہے۔جنرل منیجر ساوتھ سنٹرل ریلوے گجانند مالیا کی ہدایت پر عہدیدار اوراسٹاف فوری حرکت میں آگئے اور نشانہ کی جلد تکمیل کے لئے منصوبہ کو قطعیت دیا،اگرچہ کہ ملک بھر میں غیر معمولی لاک ڈاون ہے۔
کاموں میں تیزی پیداکرنے کے لئے جنرل منیجر نے لالہ گوڑہ اور تروپتی کے ورکشاپس سے ضروری اشیا حاصل کرنے کی ہدایت دی اور مشورہ دیا کہ وہ اس زون کے دو ورکشاپس اور چھ ڈیویژنس میں تمام کوچس کو تبدیل کرنے کا کام کرے۔
اس طرح سکندرآباد ڈیویثرن نے 120کوچس،حیدرآباد ڈیویثرن نے 40کوچس،وجئے واڑہ ڈیویثرن نے 50کوچس،گنتکل ڈیویثرن نے 61کوچس،ناندیڑ ڈیویثرن نے 30کوچس،گنٹورڈیویثرن نے 25کوچس،لالہ گوڑہ ورکشاپ نے 76کوچس اور تروپتی ورکشاپ نے 84کوچس کو تبدیل کیا۔مختصر وقت میں ساوتھ سنٹرل ریلوے نے اس بحران کی گھڑی میں دستیاب تمام وسائل اورافرادی قوت کے زیادہ سے زیادہ استعمال کے ذریعہ مختصر وقت میں دیئے گئے نشانہ کے ساتھ 486کوچس کو تبدیل کرنے کام کیا۔
کوچس کو ایک غسل خانہ،تین بیت الخلا کے طورپر بھی تبدیل کیا ہے۔ساتھ ہی مناسب طبی اور الکٹرک آلات بھی ریلوے بورڈ کے مشورہ کے مطابق لگائے گئے ہیں۔
