قومی دارالحکومت دہلی میں کانگریس صدر سونیا گاندھی نے پارٹی کے سینیئر رہنما اور راجیہ سبھا رکن احمد پٹیل کے انتقال پر گہری تعزیت کا اظہار کرتے ہوئے کہا کہ وہ کانگریس کے لیے مختص اور بھروسے مند رہنما تھے اور ان کے انتقال سے پارٹی کو بڑا نقصان ہوا ہے۔
گاندھی نے جاری اپنے تعزیتی پیغام میں کہا کہ 'مسٹر احمد پٹیل کی شکل میں، میں نے اپنا ایک ایسا ساتھ کھو دیا ہے جس کی زندگی کانگریس کو مختص رہی ہے۔ ان کی ایمانداری، قربانی اور کام کے تئیں جو عزم رہا ہے وہ انہیں دوسروں سے الگ رہنما کے طور پر پیش کرتا ہے'۔
انہوں نے کہا کہ 'میں نے ایک ایسا پرعزم ساتھ اور دوست کھو دیا ہے جس کا متبادل ممکن نہیں ہے۔ میں ان کے انتقال سے صدمے میں ہوں اور سوگوار کنبے کے تئیں تعزیت کا اظہار کرتی ہوں'۔
واضح رہے کہ مسٹر پٹیل کا آج صبح ساڑھے تین بجے انتقال ہوگیا، وہ قریب ایک ماہ پہلے کورونا پازیٹو پائے گئے تھے، جبکہ ان کی عمر 71 برس تھی، تاہم ان کی پیدائش 21 اگست 1949 میں ہوئی تھی۔
احمد پٹیل نے آٹھ بار پارلیمنٹ میں گجرات کی نمائندگی کی تاہم وہ تین بار (1977-1989) لوک سبھا کے رکن رہے جبکہ پانچ بار (1993 سے) راجیہ سبھا کے رکن رہے۔
1976 میں گجرات کے بہروچ ضلع میں بلدیاتی انتخاب میں کامیابی کے بعد انہوں نے کبھی بھی پیچھے مڑکر نہیں دیکھا۔ اس کے بعد وہ کانگریس کے ریاستی و قومی سطح کے تمام بڑے عہدوں پر کام کرتے رہے۔
