اترا کھنڈ برفباری سے سیاح خوش

اتراکھنڈ کے پہاڑی علاقوں میں موسم کی پہلی برف باری سے جہاں موسم اب سرد ہوگیا ہے تو وہیں اس کا فائدہ صوبے کے محکمہ سیاحت کو بھی ہونے لگا ہے۔

اتراکھنڈ کے پہاڑی علاقوں میں برف باری جاری ہے جس کی وجہ سے یہاںسفید چادردیکھنے کو مل رہا ہے۔ صبح سے ہی کیدارناتھ، بدری ناتھ دھاموں کے علاوہ مسوری، نینی تال، المو ڑہ اولی میں بھاری برف باری ہونے سے درجۂ حرارت میں کافی کمی آئی ہے۔

ملک کے کونے کونے سے سیاح برف باری کا نظارہ دیکھنے اور اس کا لطف اٹھانے کے لیے یہاں پہنچ رہے ہیں۔

بدری اور کیدار ناتھ میں تقریباً تین فٹ تک برف باری ہوئی ہے، وہیں اولی میں ایک سے ڈیڑھ فٹ تک برف باری ہوئی ہے۔

برف باری ہونے سے اکثر آکسیجن لینے میں سیاحوں کو پریشانی کا سامنا کرنا پڑتا ہے۔ لیکن اگر اچھے سے گرم کپڑے پہنیں جائیں تو آسانی سے موسم کا لطف اٹھایا جا سکتا ہے۔

اتراکھنڈ میں برف باری کا یہ سلسلہ فروری تک جاری رہے گا۔