مہاراشٹر کے دارالحکومت ممبئی سے متصل پاورلوم صنعتی شہر بھیونڈی میں ایک چار سالہ معصوم لڑکی کی اسپتال میں علاج کے دوران موت ہوگئی، اہل خانہ نے ہسپتال انتظامیہ پر علاج کے دوران دیری کا الزام لگاتے ہوئے مبینہ طور پر موت کا ذمہ دار قرار دیا ہے۔
موصولہ اطلاعات کے مطابق بھیونڈی شہر کے نوری نگر علاقے میں گھر کے باہر کھیل رہی ایک چار سالہ عظمیٰ صدیقی نامی بچی کو زہریلے سانپ نے کاٹ لیا تھا۔
جسے فوراً اہل خانہ کے افراد اندرا گاندھی سب ڈسٹرکٹ ہسپتال لے کر پہنچے مگر تب تک زہر نے اپنا اثر دکھا دیا تھا اور کافی دیری سے علاج شروع ہونے سے موت ہوگئی۔
اہل خانہ کے افراد ہسپتال انتظامیہ پر دیری سے علاج شروع کرنے کا الزام عائد کرتے ہوئے اسپتال میں کافی ہنگامہ کیا۔
حالانکہ معاملے کو سنبھالنے کے لیے شانتی نگر پولیس اسپتال پہنچی اور بچی کے اہل خانہ کو سمجھا بجھا کر روانہ کیا ۔فی الحال اسپتال انتظامیہ کی اس لاپرواہی کے سبب شہریوں میں زبردست ناراضگی پائی جارہی ہے۔
