سابق بھارتی صدر پرنب مکھرجی کی صحت میں معمولی بہتری آئی ہے۔ اگرچہ وہ بدستور وینٹیلیٹر پر ہیں۔
آرمی اسپتال کے ایک ڈاکٹر نے کہا کہ 'مکھرجی کی صحت مستحکم ہے اور ماہرین کے ذریعہ ان کی کڑی نگرانی کی جارہی ہے'۔
آرمی ریسرچ اینڈ ریفرل اسپتال کے مطابق 'سابق صدر پرنب مکھرجی کے سانس کے پیرامیٹرز میں معمولی بہتری آئی ہے حالانکہ وہ وینٹیلیٹر کی مدد سے سانس لے رہے ہیں'۔
گزشتہ روز اسپتال ذرائع نے کہا کہ 'سابق صدر کو پھیپھڑوں میں انفیکشن کو کم کیا جارہا ہے جس کی وجہ سے ان کی طبی حالت میں کمی واقع ہوئی ہے'۔
- مزید پڑھیں: ملک میں کورونا وائرس کے تقریباً 70 ہزار نئے کیسز
اطلاع کے مطابق 84 سالہ پرنب مکھرجی کی طبیعت خراب ہونے کے بعد 10 اگست کو آرمی کے ریسرچ اینڈ ریفرل ہسپتال میں داخل کرایا گیا تھا۔ ان کے دماغ میں بلڈ کلوٹنگ کو ختم کرنے کے لئے آپریشن کیا گیا تھا۔ اس سے قبل سابق صدر کورونا پازیٹیو بھی پائے گئے تھے۔
