پولیس ان تمام 62 افراد کی تلاش میں جٹ گئی ہے اور پولیس ان تمام افراد کی نشاندہی کرکے انہیں قرنطنیہ میں رکھے گی۔
بارہ بنکی کے پولیس سپرانٹنڈنٹ اروند چترویدی نے بتایا کہ اس سے قبل انھیں جماعت سے وابستہ 14 افراد کی فہرست دی گئی تھی لیکن تحقیقات میں یہ پتا چلا تھا کہ وہ دہلی میں ہی قرنطنیہ میں کر دیے گئے ہیں۔
سنیچر کو مرکزی اور ریاستی انٹلیجینس کی جانب سے انہیں ضلع میں 62 ایسے افراد کی فہرست ملی ہے جو ایک مارچ کے بعد سے دہلی کے مرکز میں شامل ہوئے ہیں۔
ایس پی نے بتایا کہ جماعت سے وابستہ ان 64 افراد کی تحقیقات جاری ہے اور جب ان کا پتہ چل جائے گا تب ان تمام کو قرنطنیہ میں رکھا جائے گا۔
انہوں نے بتایا کہ ان تمام افراد کا چیک اپ کرایا جائے گا اگر ان کی رپورٹ مثبت پائی جاتی ہے تو ان کا علاج کرایا جائے گا۔
واضح رہے کہ دو ون قبل جماعت سے وابستہ ایک شخص کو حراست میں لیا گیا تھا جس کی میڈیکل رپورٹ پازیٹیو آئی تھی۔
