آسام کے گوہاٹی میں داخل ناگالینڈ کے کورونا وائرس سے متاثرہ واحد مریض کے ٹھیک ہونے اور اس کی کورونا جانچ رپورٹ نیگیٹیو آنے کے بعد اسے اسپتال سے چھٹی دے دی گئی۔
آسام کے وزیر صحت ہمتا بسوا شرما نے کہا گوہاٹی میڈیکل کالج اور اسپتال (جی ایم سی ایچ) سے مریض کو چھٹی دے دی۔ ٹھیک ہوئے مریض کو اگلے 14 دنوں کے لئے كوارنٹین میں رکھا جائے گا اورآسام حکومت نے اس کی نگرانی کے لئے ڈاکٹرز کا نظم بھی کیاہے۔
کورونا سے ٹھیک ہوا مریض دراصل 12 اپریل کو ناگالینڈ کے دیماپور سے جی ایم سی ایچ پہنچا تھا۔ جہاں کورونا جانچ میں وہ مثبت پایا گیا تھا۔ ڈاکٹر شرما نے کہا کہ اسے جب اسپتال میں داخل کیا گیا تھا تب اس کی طبیعت خراب تھی لیکن اب وہ مکمل طور پر صحت مند ہو گیا ہے۔
