ملک میں پھنسے ہوئے لوگوں کے واپس لوٹنے کے بعد ریاست میں کورونا وائرس کے معاملے اچانک تیزی سے بڑھنے لگے ہیں۔
سکم کے محکمہ صحت کے ڈائریکٹر جنرل جوائنٹ سکریٹری ڈاکٹر پوپیپما شیرنگ بھوٹیا نے کہا کہ 'ہم نے جمعہ کو 60 مشتبہ نمونوں کی جانچ کی جس میں 36 پازیٹیو پائے گے۔ یہ جانچ ایس ٹی این ایم اسپتال کی کووڈ۔ 19 لیباریٹری میں کی گئی۔'
انہوں نے کہا کہ 'ہم نے باہر سے واپس آئے 412 لوگوں کی پہلے جانچ کی تھی جس میں 14 نئے معاملوں کی تصدیق ہوئی تھی۔ ان میں 11 خواتین اور تین مرد شامل ہیں۔ سب سے کم عمر مریض سوا دو برس کا ہے۔'
نئے معاملے سامنے آنے کے بعد سکم میں اب 60 ایکٹیو معاملے ہیں جن میں سے 10 کا پہلے سے ہی علاج چل رہا ہے۔
واضح ہو کہ ریاست میں اس بیماری سے تین لوگ صحت مند ہو چکے ہیں۔ سبھی مریضوں کو علاج کے لئے ایس ٹی این ایم اسپتال کے آئیسولیشن وارڈ میں داخل کرایا گیا ہے۔
