شرد پوار نے مرکزی وزارت داخلہ سے اس معاملے میں فوری طور پر مداخلت کرنے کی اپیل کی ہے۔
شرد پوار نے کہا کہ 'اگر ملزمین کو بروقت سزا دی جاتی تو آج یہ واقعہ پیش نہیں آتا۔'
کانگریس کی رہنما پرینکا گاندھی نے بھی یوگی حکومت پر سخت نکتہ چینی کی ہے۔
واضح رہے کہ ریاست اترپردیش کے شہر اناؤ میں ایک لڑکی کو جنسی زیادتی کی شکایت درج کرانے پر زندہ جلانے کا واقعہ پیش آیا۔
جب متاثرہ جنسی زیادتی کے مقدمے کے کام کے سلسلے میں رائے بریلی جا رہی تھی، اس دوران پانچ لوگوں نے اس پر پیٹرول ڈال کر آگ لگا دی۔ اس حادثے میں متاثرہ شدید طور پر جل گئی ہیں۔
جنسی زیادتی کے الزام میں گرفتار ملزم شیوم تری ویدی نے ضمانت پر باہر آنے کے بعد یہ جرم کیا ہے۔ اس سلسلے میں دیگر چار ملزمین کو بھی گرفتار کیا گیا ہے۔
ریاست کے وزیر اعلیٰ یوگی آدتیہ ناتھ نے ملزمین کے خلاف فوری طور پر کارروائی کرنے کا حکم دیا ہے۔
اس کے ساتھ ہی متاثرہ کے علاج کا مکمل خرچ حکومت نے برداشت کرنے کا اعلان کیا ہے۔
