مساجد کی رونق میں اضافہ

ماہ رمضان میں ایک رات ایسی بھی ہے جس میں ہر مسلمان زیادہ سے زیادہ رب کی بارگاہ میں سر بہ سجود ہونا چاہتا ہے۔

رمضان کے مقدس مہینے کی ستائسویں رات کو دنیا کا ہر مسلمان بیداری کو نیند پر مقدم رکھتا ہے۔ اس کے سبب ہر جگہ کی مساجد میں رات کو خاص رونق رہتی ہے۔

یہ ماجرہ جے پور کی مساجد میں بھی دیکھا گیا جہاں لوگوں نے مساجد کو خاص انداز میں سجایا اور پوری رات عبادت کرنے کا اہتمام کیا۔

غور طلب ہے کہ 27 ویں کی رات کو تراویح کا بھی آخری دن ہوتا ہے۔ اس دن حافظ قرآن کو بھی عوام خاص انداز میں نوازتی ہے۔

الغرض مساجد میں لوگوں کا جم غفیر تھا۔ اس موقع پر علما نے خطاب کیے اور عوام نے خدا کی بارگاہ میں دعائیں کی۔