اٹل بہاری واجپئی کو ممنون قوم کا خراج عقیدت

صدر، وزیراعظم سمیت مرکزی وزراء اور بی جے پی کے متعدد سینیئر رہنماؤں نے جمعہ کے روز سابق وزیر اعظم اٹل بہاری واجپئی کی سمادھی پر جاکر ان کی پہلی برسی کے موقع پر خراج عقیدت پیش کیا اور گلہائے عقیدت پیش کیا۔

سابق وزیراعظم آنجہانی واجپئی کا گذشتہ برس 93 برس کی عمر میں انتقال ہوگیا تھا۔

صدر جمہوریہ رام ناتھ کووند، وزیراعظم نریندر مودی اور وزیرداخلہ و بی جے پی کے صدر امت شاہ نے آج صبح آنجہانی واجپئی کی یادگاری جگہ 'سدیو اٹل‘ جاکر پھول چڑھائے اور دعائیہ جلسہ میں شامل ہوئے۔

دعائیہ اجلاس ختم ہوچکا ہے لیکن اب بھی وہاں آنجہانی وزیراعظم کے مداح کثیر تعداد میں پہنچ رہے ہیں اور انہیں گلہائے عقیدت پیش کرنے کا سلسلہ جاری ہے۔