ریاست اترپردیش کے ضلع بہرائچ کے تھانہ درگاہ شریف علاقے کے بخشی پورہ میں معمولی جھگڑے کے بعد باہمی تصادم میں کئی افراد زخمی ہوگئے۔
ان میں ایک فریق کے دو افراد دیہی ترقیاتی افسر کے عہدے پر فائز ہیں، تو دوسری جانب سے کھل کر زورآوری کی گئی اور ایک دوسرے کے مابین جم کر لاٹھی ڈنڈے کے ذریعہ کئی افراد کی پٹائی کی گئی۔ جس سے وہ زخمی ہوۓ جنہیں ضلع اسپتال میں داخل کرایا گیا ہے جہاں وہ زیر علاج ہیں-
سرکل افسر پولیس ٹی این دوبے کے مطابق 'دونوں فریق کے مابین مارپیٹ کی واردات سے لوگ شدید زخمی ہوئے ہیں جنہیں ضلع اسپتال میں داخل کرایا گیا ہے'۔
انہوں نے بتایا کہ 'گھر کے باہری حصے کے پلاسٹر کے سلسلے میں یہ تصادم ہوا۔ دونوں طرف سے ایک دوسرے کے خلاف لڑائی جھگڑے کی شکایت موصول ہوئی ہے'۔
پولیس کے اعلی افسران فورس کے ہمراہ موقع پر پہنچ گئے اور واقعے کی تحقیقات کر رہے ہیں۔ جس کے بعد جلد کارروائی کی جائے گی۔
