گریٹر نوئیڈا پولیس نے کان کنی مافیا کے سات افراد کو گرفتار کیا ہے۔ جو سورج پور تھانہ علاقہ کے گاؤں کھیڈی بنوٹہ کے جنگل میں غیر قانونی طور پر کان کنی کر رہے تھے۔
اس کا سربراہ رقم ولد بھاگوت سنگھ موقع سے فرار ہونے میں کامیاب رہا ہے۔ اس کی تلاش جاری ہے۔
ایڈیشنل ڈی سی پی زون دو انکور اگروال نے بتایا کہ 'سورج پور تھانے کی پولیس کو اطلاع ملی کہ کچھ لوگ کھیڈی بنووٹہ گاؤں کے جنگل میں غیر قانونی طور پر مٹی کی کھدائی کررہے ہیں'۔
محکمہ کان کنی کے ساتھ پولیس نے علاقے میں چھاپہ مارا۔ چھاپوں کے دوران پولیس نے جگویندر عرف کالو، منوج ولد سریندر، مہیندر ولد جگت، راجیش ولد اننگپال، رام بابو ولد چرن سنگھ، للت کمار ولد یشپال سنگھ اور ہریوم ولد رام پرکاش کو گرفتار کیا ہے۔
ایک ملزم موقع سے فرار ہوگیا۔ پولیس ملزم کی تلاش کر رہی ہے۔
انکور اگروال نے بتایا کہ گرفتار ملزمان سے چار ٹریکٹر ٹرالی اور غیر قانونی کان کنی سے بھری ایک جے سی بی مشین برآمد ہوئی ہے۔
دوران تفتیش گرفتار ملزمان نے پولیس کو بتایا ہے کہ وہ گذشتہ کئی روز سے لاک ڈاؤن کا فائدہ اٹھا کر خفیہ طور پر غیر قانونی کان کنی کررہے تھے۔
