ہندستانی صنعت اور کامرس فیڈریشن سے منسلک فکی خواتین تنظیم نے ایک رپورٹ ’ہندستانی زراعت میں خواتین کی حصہ داری‘ میں کہا کہ زراعت ملک میں روزگار فراہم کرنے کا سب سے بڑا شعبہ ہے۔ اس میں خواتین کی وسیع پیمانہ پر حصہ داری ہے لیکن فیصلے کے عمل میں ان کا کردار نہیں ہے۔
رپورٹ میں کہا گیا ہے کہ خواتین کو بااختیار بنانے کے لئے خواتین کسانوں کا قومی سطح پر ایک رجسٹر بنایا جانا چاہئے، اس رجسٹر میں ان سے متعلق تمام معلومات اور اعدادو شمار کو شامل کیا جانا چاہئے۔ حکومت کو خواتین کسانوں کی حوصلہ افزائی کے لئے الگ سے اسکیمیں بنانی چاہئیں، حکومت کو صرف خواتین کے لئے کچھ خاص فوائد کا اعلان کرنا چاہے جس سے خواتین کو اسی شعبہ میں بااختیار بنانے میں مدد ملے گی اور معیشت میں ان کی فعال شراکت میں مدد ملے گی۔
