ریاست میں شراب بندی قانون کے تحت ضبط ہونے والی گاڑیوں کے معاملے حل کرنے کے لیے پٹنہ ہائی کورٹ نے وقت مقرر کیا ہے-
چیف جسٹس سنجے کرول کی بینچ نے ان معاملات سے متعلق دو سو سے زیادہ کیس کی سماعت کو حل کیا ہے۔
عدالت نے واضح کیا ہے کہ اس قانون کے تحت گاڑیوں کے معاملے میں ان گاڑیوں کے مالکان پندرہ دنوں کے اندر متعلقہ ڈی ایم کو درخواست دے سکتے ہیں، اس کے بعد ڈی ایم 30 دنوں میں معاملے کی سماعت کر اس کو انجام تک پہنچائے گی۔
پٹنہ ہائی کورٹ کے ذرائع کہ مطابق 'اگر گاڑی ضبط نہیں ہوسکتی تو متعلقہ ڈی ایم کو گاڑی چھوڑ دینی ہوگی اگر اس کے بعد بھی گاڑی نہیں چھوڑی گئی تو گاڑی کے مالک کو معاوضہ کے لیے دعوی کرنے کا حق حاصل ہوگا'
مزید پڑھیں : 'لوک سبھا نشستوں کو 1000 کرنے کی ضرورت '
واضح ہو کہ پٹنہ ہائی کورٹ سمیت ریاست کی دوسری عدالتوں میں تقریبا دو لاکھ سے بھی زیادہ شراب بندی سے متعلق معاملے سماعت کے لیے التواء میں پڑے ہیں۔
ان معاملوں میں وقت مقرر کرنے سے ان کا جلد حل ہونا ممکن ہے حالانکہ ریاستی حکومت کے ذریعہ شراب بندی سے جڑے معاملوں کے حل کے لیے 74 اسپیشل کورٹ بنانے کا فیصلہ لیا گیا ہے۔
