فورسز نے سرچ آپریشن کے دوران ایک 'کمین گاہ' کو تباہ کیا

جموں و کشمیر کے ضلع کپوارہ کے لولاب میں سیکیورٹی فورسزنےعسکریت پسندوں کی ایک کمین گاہ کو تباہ کیا ہے۔ ساتھ ہی موقع سے سیکیورٹی فورسز نے اسلحہ، گولہ بارود کا بڑا ذخیرہ بھی برآمد کیا۔

شمالی کشمیر کے ضلع کپوارہ کے ورنو لولاب علاقے میں فوج کی 28 آر آر اور 162 بٹالین سی آر پی ایف کے علاوہ ایس او جی کپوارہ کی مشترکہ تعاون سے کپوارہ کے وارنو لولاب کے جنگل میں سرچ آپریشن کے دوران عسکریت پسندوں کی ایک 'کمین گاہ' کو تباہ کیا گیا۔

ذرائع کے مطابق 'فوج اور سیکورٹی فورسز نے مشترکہ طور پر 'نوا بہک' کے جنگلات میں کچھ عسکریت پسندوں کی بابت اطلاعات موصول ہونے کے بعد سرچ آپریشن شروع کیا۔ اس دوران مذکورہ جنگل میں سیکیورٹی فورسز نے اسلحہ اور گولہ بارود کا بڑا ذخیرہ بھی برآمد کیا۔'

ذرائع نے مزید بتایا کہ' جنگلات سے برآمد شدہ اسلحہ اور گولہ بارود میں 4- اے کے رائفل، 47 میگزین، اے کے-15، 47 گولہ بارود، 2 دستی بم، ایک دوربین، کمپاس، وائرکٹر اور ایک نقشہ شامل ہے۔ ٹیم نے موقع سے ضبط شدہ اشیا کو حراست میں لے کر مزید تحقیقات شروع کردی ہیں'۔