واستو کے نام پرعوامی خزانے کے بیجا استعمال کا الزام

نئے سیکریٹریٹ کی تعمیرکے حکومت تلنگانہ کے فیصلہ کی مخالفت میں اپوزیشن جماعتوں کی سرگرمیاں تیز ہوگئی ہیں۔ اس سلسلے میں ٹی جے ایس رہنما پروفیسر کونڈا رام نے کہا کہ حکومت کے اس فیصلہ کی مخالفت میں اس ماہ کی 25 تاریخ کو 'چلو سیکریٹریٹ' پروگرام منعقد کیا جائے گا۔

حیدرآباد میں منعقدہ کل جماعتی اجلاس کے بعد پروفیسر کودنڈا رام نے میڈیا سے بات کرتے ہوئے کہا کہ حکومت واستو کے نام پر عوامی خزانہ کا بیجا استعمال کرنا چاہتی ہے۔

جبکہ دوسری جانب ریاست میں مختلف فلاحی اسکیمات کو انجام دینے کے لیےفنڈز کی کمی ہے۔ اس موقع پر سابق رکن پارلیمان وویک نے کہا کہ مرکز نے تلنگانہ کو ایک لاکھ 60 ہزار کروڑ قرض دینے کا دعوی کیا ہے، انھوں نے کہاکہ اس پر حکومت کو وائٹ پیپر جاری کرنا چاہیے۔