جے پور کے ہسپتال میں دوسرا ہارٹ ٹرانسپلانٹ

ریاست راجستھان کے دارالحکومت جے پور کے سب سے بڑے ایس ایم ایس ہسپتال میں منگل کی شب دوسرا ہارٹ ٹرانسپلانٹ کیا گيا۔ اس ہسپتال میں دو ماہ کے اندر دو ہارٹ ٹرانسپلانٹ کیے گئے۔

ایس ایم ایس ہسپتال کے عارضہ قلب کے ڈاکٹر انل شرما اور ان کی ٹیم نے دوسرے ہارٹ ٹرانسپلانٹ کو منگل کی شب سے لے کر بدھ کی صبح تک انجام دیا۔

شری گنگا نگر سے تعلق رکھنے والے 18 برس کے شخص کے برین ڈیڈ ہونے پر ڈاکٹروں کی ٹیم نے ان کے اہل خانہ کو آرگن ٹرانسپلانٹ کے لیے تیار کر لیا۔

برین ڈیڈ کے اہل خانہ کے تیار ہونے پر ہسپتال میں پہلے سے ہی بھرتی ریسیپیئنٹ کو تقریبا 11 گھنٹے چلے آپریشن میں ہارٹ ٹرانسپلانٹ کیا گيا۔

اس کے علاوہ برین ڈیڈ شخص کے دونوں گردے کا بھی سوائی مان سنگھ ہسپتال میں ہی پہلے سے بھرتی دو مریضوں کو ٹرانسپلانٹ کیا گيا۔

اس طرح شری گنگا نگر کے اس شخص کے ذریعے تعاون کیے گئے اعضاء سے تین لوگوں کو نئی زندگی ملی ہے۔