اردو میں ترجمہ کے لیے ممتاز مترجم اسلم مرزا کو ان کے بہترین ترجمہ مور پنکھکے لیے منتخب کیا گیا جو پرشانت اسنارے کی مراٹھی شعری مجموعہ میچ ماجھا مور کا اردو ترجمہ ہے۔
اسلم مرزا کا تعلق اورنگ آباد ، مہاراشٹر سے ہے۔ اب تک ان کی تیرہ کتابیں منظر عام پرآچکی ہیں جن میں آئینہ معنی نما ، گیلے پتوں کی مسکان (شعری مجموعہ) ہم جزیروں میں رہتے ہیں (ترجمہ) ، لکنت (ترجمہ) عطر گل مہتاب ، گل دستہی خوش باش ، سلاطین دکن کے عہد میں شادیاں ، پیاری انو (ترجمہ) اور مورک کے پنکھ (ترجمہ) اہم ہیں۔
اسلم مرزا نے متعدد سمیناروں اور کانفرنسوں میں شرکت کی ہے اور اپنے مقالے پیش کیے ہیں۔ انھیں ولی دکنی نیشنل ایوارڈ ، لٹریری پرسنالٹی آف دی ایئر ایوارڈ ، ڈاکٹر عصمت جاوید لٹریری ایوارڈ وغیرہ سے نوازا جاچکا ہے۔
دیگر انعام یافتہ مترجمین میں تپن بندوپادھیائے (بنگالی)، سوسان ڈینیل (انگریزی)، آلوک گپتا (ہندی)، رتن لال جوہر (کشمیری)، سیئی پرانجپے (مراٹھی)، پریم پرکاش (پنجابی)، ڈھولن راہی (سندھی)، پی ستیہ وتی (تیلگو) وغیرہ کے نام شامل ہیں۔ کنڑ میں ایوارڈ کا اعلان بعد میں کیا جائے گا۔
ساہتیہ اکیڈمی ہر سال 24 زبانوں کے مترجمین کو ایوارڈ کے لیے منتخب کرتی ہے۔ یہ ایوارڈ پچاس ہزار روپے نقد اور توصیف نامے پر مشتمل ہے۔ اس سال کے ایوارڈ کے لیے 1 جنوری 2013 سے 31 دسمبر 2017 کے وران شائع تراجم پر غور کیا گیا۔ یہ انعامات سال رواں کے دوران ساہتیہ اکیڈمی کی ایک تقریب میں دیے جائیں گے۔
