آج ہی کے دن سچن نے بنایا تھا ریکارڈ

کرکٹ کی دنیا کے بے تاج بادشاہ کہلانے والے بھارت کے مایہ ناز بلے باز سچن تیندولکر نے 24 فروری سنہ 2010 کو ایک ایسا ریکارڈ بنایا تھا جو اس سے پہلے کسی نے سوچا بھی نہیں ہوگا۔

ایک وقت ایسا تھا جب یک روزہ کرکٹ میں ایک بلے باز کے لیے 150 رنز بنانا بھی جوئے شیر لانے کے مترادف تھا لیکن کرکٹ کی دنیا کے عظیم بلے باز ماسٹر بلاسٹر سچن تیندولکر نے ایسا کارنامہ کر دکھایا جو دنیا کے کسی بھی بلے باز نے نہیں کیا۔

بھارتی کرکٹ ٹیم کے عظیم کرکٹر سچن تیندولکر نے 24 فروری سنہ 2010 کو جنوبی افریقہ کے خلاف گوالیار اسٹیڈیم میں یک روزہ کرکٹ میں پہلی ڈبل سنچری بنا کر تاریخ رقم کی ۔

• #ThisDay in 2010 the great @sachin_rt became the first batsman to score a double ton in ODI cricket.
  
  He faced 147 balls and scored the first double century with 25 fours and 3 sixes against South Africa at Gwalior #Legend. pic.twitter.com/cwb0TRA9TT

  — BCCI (@BCCI) February 24, 2018 " class="align-text-top noRightClick twitterSection" data="

  #ThisDay in 2010 the great @sachin_rt became the first batsman to score a double ton in ODI cricket.
  
  He faced 147 balls and scored the first double century with 25 fours and 3 sixes against South Africa at Gwalior #Legend. pic.twitter.com/cwb0TRA9TT

  — BCCI (@BCCI) February 24, 2018

  ">

  #ThisDay in 2010 the great @sachin_rt became the first batsman to score a double ton in ODI cricket.
  
  He faced 147 balls and scored the first double century with 25 fours and 3 sixes against South Africa at Gwalior #Legend. pic.twitter.com/cwb0TRA9TT

  — BCCI (@BCCI) February 24, 2018

سچن نے شاندار کھیل مظاہرہ کرتے ہوئے 147 گیںدوں میں 25 چوکوں اور 3 چھکوں کی مدد سے 200 رنز بنائے تھے۔

یہ اسکور اس وقت یک روزہ کرکٹ میں کسی بھی بلے باز کا بہترین ذاتی اسکور تھا۔

اس سے قبل یک روزہ میچوں میں کسی بھی بلے باز کا بہترین ذاتی اسکور پاکستان کے بلے باز سعید انور اور زمبابوے کے چارلس کوونٹری کے نام تھا یہ دونوں بلے باز 194 رن کے بہترین اسکور کے ساتھ مشترکہ طور پر پہلے نمبر پر تھے۔

لیکن سچن کا یہ ریکارڈ زیادہ دنوں تکبرقرار نہیں رہ سکا اور اس ریکارڈ کو بھارت کے ہی جارحانہ بلے باز وریندر سہواگ نے توڑ دیا ۔

سہواگ نے سچن کا یہ ریکارڈ 2 برس کے اندرویسٹ انڈیز کے خلاف 219 رنز بنا کر توڑ دیا تھا۔

اس کے بعد جیسے سچن نے یک روزہ کرکٹ میں ڈبل سنچری کی روایت ڈال دی، تب سے اب تک 7 ڈبل سنچریاں بنائی جا چکی ہیں جن میں سے 3 ڈبل سنچری بھارت کے بلے باز روہت شرما نے بنائی ہے جبکہ بھارت کے وریندر سہواگ، نیوزی لینڈ کے مارٹن گپٹل، ویسٹ انڈیز کے کرس گیل اور پاکستان کے فخر زمان نے یک روزہ کرکٹ میں ڈبل سنچری بنائی ہے۔