بھارت اور روس دفاعی صنعتی تعاون کے لیے کام کر رہے ہیں، جسے سال 2030 تک مکمل کیا جائے گا۔
بوریسوو نے وزیر دفاع راج ناتھ سنگھ کے ساتھ ملاقات کے بعد کہا کہ 'روس ہتھیاروں کے سب سے بڑے خریداروں میں سے ایک ہے۔ سال 2030 تک روس اور بھارت فوجی تکنیکی تعاون کے ایک پروگرام کو مربوط کرنے کے لیے کام چل رہا ہے'۔
سنگھ وزیر دفاع بننے کے بعد روس کے اپنے پہلے دورہ پر ہیں۔
روسی حکومت کی ویب سائٹ پر جاری ایک بیان کے مطابق بوریسوو نے یہ بھی کہا کہ 'بین الاقوامی دباؤ کے باوجود روس اور بھارت نے کامیابی کے ساتھ دفاعی سیکٹر میں ایک دوسرے کا تعاون کیا ہے۔ خاص طور پر بھارت کو ایس -400 ایئر ڈیفنس میزائل نظام دینے پر بڑا تعاون حاصل ہے'۔
واضح رہے کہ بھارت اور روس نے دراصل اکتوبر 2018 میں بھارت کو پانچ ارب ڈالر والی ایس -400 ایئر ڈیفنس میزائل نظام دینے پر دستخط کئے تھے۔
