مدھیہ پردیش کے سابق وزیر اعلی شیوراج سنگھ چوہان نے ٹویٹ کرکے سیلاب متاثرین کے لیے بھیجی گئی امدادی اشیاء پر شکریہ ادا کیا ہے۔ انہوں نے کہا کہ کل سے ہی امدادی اشیاء مندسور اور نیمچ پہنچنے لگی ہیں۔ انہوں نے ٹویٹ کرکے لکھا کہ عوام نے مدد کے لیے ہاتھ آگے بڑھا دیا ہے۔ لیکن حکومت کہیں نظر نہیں آرہی ہے۔
مدھیہ پردیش کے سابق وزیراعلی شیوراج سنگھ چوہان نے ریاست کے مندسور اور نیمچ میں سیلاب سے متاثرہ لوگوں کےلئے بھیجی گئی امدادی اشیا کے ٹرک کو ہری جھنڈی دکھاکر روانہ کیا۔
چوہان نے بتایا کہ کل شام وزیراعظم نریندرمودی کی سالگرہ کے موقع پر سیلاب متاثرین کےلئے جمع کئے گئے سازوسامان کو پارٹی دفتر سے ایک گاڑی کےذریعہ مندسور-نیمچ کےلیے روانہ کیا۔
اس دوران انہوں نے کہا کہ شدید بارش کی وجہ سے تباہ ہوئے مندسور-نیمچ کےلوگوں کے ساتھ پوری بھارتیہ جنتا پارٹی کھڑی ہے۔ انہوں نے کہاکہ ریاستی حکومت نے 20ستمبر تک سیلاب سے متاثر لوگوں تک راحت کا سامان نہیں پہنچایا تو وہ مندسور میں دھرنا دیں گے۔
