وطن واپسی وندے بھارت مشن کے تحت آپریشن سمدرا سیتو کا ایک حصہ ہے جو پھنسے ہوئے بھارتیوں کو دوسرے ممالک سے واپس لانا ہے کیونکہ وبائی امراض کی وجہ سے پروازوں کا عمل روک دیا گیا تھا۔
آئی این ایس جلاشوا گزشتہ جمعرات کی شام ایران کے بندر عباس پورٹ سے انخلا کرنے والوں کے ساتھ روانہ ہوئی۔ جس میں تمام بھارتی ماہی گیر تھے۔ جو کووڈ-19 لاک ڈاؤن کی وجہ سے پھنسے ہوئے تھے۔
اسی مناسبت سے آج صبح ایران سے 687 پھنسے ہوئے بھارتی۔ تمل ناڈو کے توتیکورین پہنچے۔
جس کے بعد ان تمام افراد کو طبی معائنے کے لیےبھیجا گیا۔ ان کے بیگز پر جراثیم کش دوا ڈالی گئی۔ 687 افراد کا تعلق دو ریاستوں سے ہے۔652 تملناڈو سے اور 35 افراد کیرل سے ہیں۔
ان تمام کو بعد میں ان کے آبائی مقامات بذریعے بس روانہ کیا جائے گا۔
بھارتی بحریہ نے آپریشن سمدرا سیتو کے تحت 8 مئی کو بیرون ملکوں میں پھنسے بھارتیوں کو لانے کے لیے یہ عمل شروع کیا تھا۔ بھارتیوں کو لانے والا یہ چوتھا جہاز ہے۔
اس سے قبل مالدیپ،سری لنکا اور ایران سے بھارتیوں کو آئی این ایس جلاشوا کے ذریعہ محفوظ لایا گیا۔
