کرایہ دار نے مکان دار کا قتل کیا

مکان دار نے کرایہ دار سے چار ماہ کا کرایہ ادا کرنے کو کہا، جس کے بعد دونوں میں بحث اور تکرار ہوئی۔

تاملناڈو کے کنڈراتورو میں ایک افسوسناک واقعہ پیش آیا۔ ایک شخص نے کرایہ طلب کرنے والے مالک مکان کو بے رحمی سے قتل کردیا۔

تملناڈو میں چنئی کے قریب کنڈراتورو میں ایک شخص نے مکان مالک کے کرایہ مانگنے پر بے رحمی سے قتل کردیا۔

پولیس کے مطابق ، دھنراج خاندان گُنشیکھرن کے مکان میں کرایہ پر رہتا ہے۔ گُنشیکھرن نے دھنراج سے چار ماہ کا کرایہ ادا کرنے کو کہا۔ جس کے بعد دونوں میں بحث ہوئی۔

کرایہ دار دھنراج کا بیٹا اجیت جو کرایہ مانگنے پر برہم ہوگیا، اس نے آدھی رات کے وقت گھر کے مالک پر چاقو سے حملہ کردیا۔ حملے میں شدید زخمی متاثرہ شخص اپنی زندگی سے ہاتھ دھو بیٹھا۔ پولیس نے اجیت کو گرفتار کرلیا ہے۔ اور اس معاملے میں مزید تحقیقات پولیس کررہی ہے۔