ناول کورونا وائرس (کووڈ۔19) کے بڑھتے ہوئے پھیلاؤ کے خدشات کے دوران راجستھان کے تمام مذہبی مقامات یکم ستمبر سے عام عقیدت مندوں کے لئے دوبارہ کھولے جائیں گے۔
وزیراعلی اشوک گہلوت نے تمام ضلعی کلکٹرز کو بھی یہ حکم جاری کیا ہے کہ وہ سماجی اور جسمانی فاصلے کو یقینی بنائیں اور صحت کے پروٹوکول پر بھی مکمل عمل آوری ہو۔
مزید یہ کہ وزیراعلی اشوک گہلوت نے 31 اگست تک تمام گرام پنچایتوں کے لئے 'گرام رکشکس' منتخب کرنے کی ہدایت بھی دی ہے جو پولیس اور عوام کے مابین رابطہ کا کام کریں گے۔
راجستھان حکومت نے کہا ہے کہ 'ریاست کے تمام مذہبی مقامات یکم ستمبر سے عام عقیدت مندوں کے لئے دوبارہ کھل جائیں گے۔ وزارت داخلہ بھی اس کے لئے رہنما اصول جاری کرے گی'۔
مزید پڑھیں: کووڈ 19 کے پیش نظر اردو یونیورسٹی میں داخلوں کا نیا شیڈیول
واضح رہے کہ وزارت صحت اور خاندانی بہبود کی وزارت کے مطابق راجستھان میں اب تک کورونا کے 10،745 مثبت واقعات رپورٹ ہوئے ہیں۔
