باضابطہ نظام الاوقات کی تمام ٹرینیں 12 اگست تک منسوخ

ریلوے نے کووڈ ۔19 کے پیش نظر 12 اگست تک با ضابطہ نظام الاوقات ( ٹائم ٹیبل ) کی تمام ٹرینوں کو منسوخ کر دیا ہے۔

ریلوے بورڈ نے اس سلسلے میں ایک پیغام جاری کیا جس میں بتایا گیا ہے کہ با ضابطہ نظام الاوقات والی تمام میل / ایکسپریس اور انٹرسٹی ٹرینوں کی سروس 12 اگست تک منسوخ رہے گی ۔ ساتھ ہی تمام مسافر ٹرینیں 12 اگست تک منسوخ کی گئی ہیں ۔ ان ٹرینوں کو پہلے 30 جون تک منسوخ کردیا گیا تھا۔ اب اس کی مدت میں 12 اگست تک توسیع کردی گئی ہے۔ بورڈ نے واضح کیا ہے کہ 12 مئی اور یکم جون سے چلائی گئی تمام خصوصی ٹرینیں چلتی رہیں گی۔