صدر جمہوریہ رام ناتھ کووند ٹویٹ کرکے کہا ''راجیہ سبھا رکن امر سنگھ کے انتقال کے بارے میں سن کر کافی رنج ہوا۔'' انہوں نے مزید لکھا ''کثیر الجہتی شخصیت کے مالک امر سنگھ ایک باصلاحیت رکن پارلیمنٹ تھے۔ انکے کنبے اور معاونین کے تئیں میری خراج عقیدت۔''
وزیراعظم نریندر مودی نے راجیہ سبھا رکن امر سنگھ کے انتقال پر رنج کا اظہار کرتے ہوئے ان کے کنبے اور دوستوں کے تئیں دلی تعزیت کا اظہار کیا۔
وزیر اعظم مودی نے اپنے تعزیتی پیغام میں کہا ''امر سنگھ جی ایک متحرک اور توانا عوامی شخصیت تھے۔ گزشتہ کچھ دہائیوں میں وہ کئی بڑی سیاسی تبدیلیوں کے گواہ رہے۔ وہ زندگی میں اپنی دوستی کے لئے مشہور تھے۔ ان کے انتقال سے صدمہ پہنچا ہے۔ دکھ کی اس گھڑی میں میں ان کے کنبے اور دوستوں کے تئیں دلی تعزیت کا اظہار کرتا ہوں۔''
لوک سبھا کے اسپیکر اوم برلا نے راجیہ سبھا رکن پارلیمنٹ امر سنگھ کے انتقال پر رنج کا اظہار کیا ہے۔
مرکزی وزیر داخلہ راج ناتھ سنگھ نے راجیہ سبھا کے رکن اور سابق سماجوادی پارٹی کے لیڈر امر سنگھ کے انتقال پر رنج کا اظہار کیا ہے۔
صحت اور کنبہ بہبود کے مرکزی وزیر ڈاکٹر ہرش وردھن نے راجیہ سبھا رکن اور سماجوادی پارٹی کے سابق جنرل سکریٹری امر سنگھ کے انتقال پر آج گہرے رنج کا اظہار کیا۔
امر سنگھ ایس پی کے بانی ملائم سنگھ یادو کے کافی قریبی رہے، لیکن بعد میں ایس پی کی کمان اکھلیش یادو کے ہاتھوں میں آجانے کے بعد انہوں نے سال 2010 میں پارٹی کے سبھی عہدوں سے استعفی دے دیا تھا۔ وہ طویل عرصے سے علیل تھے اور سنگا پور کے ایک اسپتال میں زیر علاج تھے۔
