راہل گاندھی نے بالاسور ضلع کے ریمونا میں خطاب کرتے ہوئے کہاکہ مجوزہ قانون میں اس بات کا التزام ہوگا کہ قرض نہیں ادا کرنے والے کسانوں کو جیل نہیں بھیجا جائے گا۔ انہوں نے کہاکہ کیوں بینک کا قرض ادا نہیں کرنے والے کسانوں کو جیل بھیجا جانا چاہئے جبکہ نیرو مودی اور وجے مالیا جیسے بڑے کاروبارویں کو بینکوں کے کروڑ روپے غبن کرنے کے بعد بھی ملک چھوڑنے کی اجازت دے دی جاتی ہے جو غیرممالک میں عیش کی زندگی گزار رہے ہیں۔
کانگریس کے صدر نے کہاکہ اڑیسہ، چھتیس گڑھ اور راجستھان کے کسانوں کی مدد کرنے کیلئے الگ سے بجٹ پیش کیا جائے گا۔ پارلیمنٹ میں بجٹ پیش ہونے سے ایک دن پہلے کسان بجٹ پیش ہوگا۔
راہل گاندھی نے کہا کہ مجوزہ کسان بجٹ میں دھان کی کم از کم سہارا قیمت میں اضافہ، فوڈ پروسیسنگ یونٹوں کے قیام، زرعی پیداوار کو مارکٹ سے جوڑنا اور وہ تمام التزامات بھی کئے جائیں گے جن کا راست فائدہ کسانوں کو ہوگا۔
کانگریس کے صدر راہل گاندھی نے دھان کی کم از کم سہارا قیمت کو 2600روپے فی کوئنٹل تک بڑھانے اور پانچ کروڑ غریب کنبوں میں سے ہر ایک کی ایک خاتون رکن کے اکاونٹ میں 6000روپے فی ماہ جمع کرکے ملک میں غریبی پر ’سرجیکل اسٹرائک‘ کرنے کا بھی وعدہ کیا تاکہ غریب لوگ اقتصادی طورپر مضبوط بن سکیں۔
انہوں نے کہاکہ یہ پیسہ ان کنبوں کو دستیاب کرایا جائے گا جن کی ماہانہ آمدنی 12000سے کم ہوگی۔
انہوں نے کہاکہ اوڈیشہ، بہار اور چھتیس گڑھ جیسی غریب ریاستوں کو اس کا زیادہ فائدہ ملے گا۔
کانگریس کے صدر نے کہاکہ بے روزگاری ملک کا سب سے بڑا مسئلہ ہے اور اعلان کیا کہ خالی پڑے 22لاکھ سے زائد عہدوں کو ایک سال کے اندر پر کیا جائے گا۔ انہوں نے کہا کہ وزیراعظم نریندر مودی نے ان خالی جگہوں کو پر کرنے کے لئے کوئی پہل نہیں کی اور ہر سال دو کروڑ ملازمتیں پیدا کرنے کے وعدے کو پورا کرنے میں بری طرح ناکام رہے۔
راہل گاندھی نے کہا کہ ملازمتیں پیدا کرنے کے بجائے بھارتیہ جنتا پارٹی کی قیادت والی حکومت کے جی ایس ٹی اور نوٹوں کی منسوخی نافذ کرنے کے بعد لوگوں نے روزگار کھو دیا۔ انہوں نے کہاکہ کانگریس ترقی، بھائی چارہ اور اتحاد کے لئے کام کرتی ہے جبکہ بی جے پی اور آر ایس ایس لوگوں کے درمیان نفرت پھیلانے میں ملوث ہیں۔
مقامی لوگوں کا کہنا کہ بیربھوم میں بی جے پی کی طاقت میں اضافہ ضرور ہوا ہے اور یہاں کے عوام تبدیلی بھی چاہتے ہیں مگر بی جے پی ان دونوں سیٹوں پر جیت حاصل کرسکے یہ کہنا مشکل ہے۔
