راشٹرپتی بھون میں منعقد اس تقریب میں خواتین و اطفال ترقیات کی مرکزی وزیر اسمرتی ایرانی کے علاوہ وزارت کے سینیئر افسران اور معزز شخصیات موجود تھیں۔
اعزاز حاصل کرنے والی خواتین میں آندھرا پردیش میں سریکاکلم کی پدالا بھودیوی، بہار میں مونگیر کی بینا دیوی، جموں و کشمیر میں سری نگر کی عارفہ جان، جھارکھنڈ میں سرائے کیلا كھارسوان راج نگر کی چامی مرمو، لداخ میں لیہہ کی نلجا وانگمو، مہاراشٹر میں پونے کی رشم اردھواریش، پنجاب میں پٹیالہ کی سردارنی مان كور، اترپردیش میں کانپور کی کلاوتی دیوی، اتراکھنڈ میں دہرادون کی تاشی اور ننگاشی ملک، مغربی بنگال میں کولکتہ کی كوشكی چکرورتی، کیرالہ میں الپزا کولم کی بھگيرتھی اماں كارتھياينی اور انڈین ایئر فورس میں مدھیہ پردیش، ریوا کی اونی چترویدی، بہار دربھنگہ کی بھاؤنا کنٹھ اور اترپردیش، آگرہ کی موہنا سنگھ کو'ناری شکتی پرسکار-2019' پیش کیا گیا۔
کیرالہ میں الپزا کی بھگيرتھي اماں ضعف کی وجہ سے ایوارڈ قبول کرنے راشٹر پتی بھون نہیں آ سکیں۔
سنہ 2019 کے ناری شکتی پرسکارزراعت، کھیل، دستکاری، جنگلات ، وائلڈ لائف کے تحفظ، مسلح افواج اور تعلیم کے میدان میں پیش کئے گئے ہیں۔
