ملک کے متعدد علاقوں میں چاند دیکھے جانے کی اطلاع ملی ہے اور ادارہ شرعیہ اور امارت شرعیہ نے بھی اس کی تصدیق کر دی ہے۔
امارت شرعیہ نے لیٹر جاری کرتے ہوئے چاند نظر آنے کی تصدیق کی اور لکھا کہ '29 شعبان کو رمضان المبارک کا چاند دیکھا گیا ہے۔ اس لحاظ سے 25 اپریل 2020 کو پہلا روزہ ہوگا۔
![رمضان المبارک کا چاند](https://etvbharatimages.akamaized.net/etvbharat/prod-images/img-20200424-wa0047_2404newsroom_1587737452_1107.jpg)
اسی طرح دہلی کی فتحپوری مسجد اور کولکاتا کی مسجد ناخدا مرکزی رویت ہلال کمیٹی نے بھی رمضان کے چاند کی تصدیق کی ہے۔
![رمضان المبارک کا چاند](https://etvbharatimages.akamaized.net/etvbharat/prod-images/img-20200424-wa0037_2404newsroom_1587737452_112.jpg)
ریاست اتر پردیش کے ضلع وارانسی میں بھی رمضان المبارک کا چاند دیکھا گیا اور اس کی تصدیق رویت ہلال کمیٹی کے رکن مولانا ہارون رشید نقشبندی نے کی ہے۔
![رمضان المبارک کا چاند](https://etvbharatimages.akamaized.net/etvbharat/prod-images/img-20200424-wa0034_2404newsroom_1587737452_571.jpg)
انہوں نے ای ٹی وی بھارت کو بتایا کہ بنارس و اطراف کے علاقوں میں چاند کی رویتِ عام ہوئی ہے اور آج سے فرزندانِ توحید نماز تراویح ادا کریں گے نیز کل پہلا روزہ ہوگا۔