وزیر دفاع سیگرئی شوگو نے وزیر دفاع راجناتھ سنگھ کو اس پریڈ کے لئے مدعو کیا ہے۔ یہ پریڈ گزشتہ9مئی کو ہونے والی تھی لیکن کورونا وبا کی وجہ سے اسے ملتوی کرنا پڑا تھا۔
تینوں افواج کا 75رکنی دستہ پریڈ میں حصہ لینے کے لئے پہلے ہی ماسکو پہنچ چکا ہے۔ بھارت کے مارچنگ دستہ کی قیادت سکھ لائٹ انفنٹری کے میجر رینک کے افسر کریں گے۔یہ ریجیمنٹ دوسری عالمی جنگ میں بہادری کے ساتھ لڑی تھی اور اسے چار بیٹل آن اور دو ملٹری کراس ملے تھے۔
وکٹری ڈے پریڈ میں بھارت کی شرکت روس اور دیگر ممالک کی افواج کی قربانی کو خراج عقیدت ہے۔ اس جنگ میں بھارتی فوجیوں نے بھی حصہ لیا اور اعلی ترین قربانی دی۔
وزیراعظم نریندر مودی اور وزیر دفاع راجناتھ سنگھ نے روس کو وکٹری ڈے کی 75ویں سالگرہ پر مبارکباد ی پیغام بھیجے تھے۔ وزیر دفاع کے اس دورہ سے بھارت اور روس کے مابین خصوصی اسٹریٹجک شراکت مزید مضبوط ہوگی۔
