ان انتخابات میں وقف بورڈ کے 9 ممبران اپنا صدر منتخب کریں گے جو ریاست راجستھان وقف بورڈ کا چیرمین ہوگا۔ 25 نومبر کو صبح 11 بجے تک بھی صدر کے عہدہ کے لیے پرچہ نامزدگی داخل کی جاسکتی ہے۔
ریاست میں کانگریس کی حکومت ہے اور اندازہ کیا جارہا ہے کہ چیئرمین کے لیے کانگریس پارٹی کے نائب صدر اور اشوک گہلوت کے قریبی مانے جانے والے کھانوں خان چیئرمین بن سکتے ہیں۔
کیونکہ خان سماجی کارکن کی نشست سے وقف بورڈ کے ممبر وزیراعلی اشوک گہلوت کی جانب سے بنائے گئے تھے اور سماجی کارکن ہی وقف بورڈ کا چیئرمین بن سکتا ہے۔ واضح رہے کہ اگر ایک سے زیادہ پرچہ داخل ہوتے ہیں تو پھر انتخاب ہوں گے ورنہ جو پرچہ داخل کرے گا اس کو ہی صدر یعنی چیئرمین بنا دیا جائے گا۔
وقف بورڈ کے نو میں لو ک سبھا رکن عشق علی ٹاک ، رکن اسمبلی رفیق خان ، بار کونسلنگ کے ممبر ناصر علی نقوی متولی کوٹے سے محمد یوسف خان ، متولی محمد شوکت قریشی ، حکومت کی جانب سے بنائے گئے ممبروں میں کھانوں خان اسماء ، ڈاکٹر رانا زیدی اور آر اے ایس آفیسر سر جمیل احمد قریشی شامل ہیں۔ یہ تمام اپنا چیرمین منتخب کریں گے۔
