کانگریس کے رہنما راہل گاندھی پیر کے روز چین کے ساتھ جاری سرحدی معاملے سے متعلق اپنی نئی مختصر فارمیٹ ڈیجیٹل ویڈیو سیریز کا دوسرا قسط جاری کریں گے۔
پارٹی کے ایک بیان کے مطابق، "پہلے ایپیسوڈ کو سماجی او رمینسٹریم میڈیا پر لاکھوں ویوز ملے ہیں اور راہل کے اپنے ٹویٹر اکاؤنٹ پر 2.5 ملین ویوز ملے ہیں۔
۔
بیان میں مزید کہا گیا، "یہ ایک اہم قومی اہمیت کا مسئلہ ہے جس کے بارے میں ہر حال میں حب الوطنی کے تئیں فکرمند رہنا چاہئے۔"
یہ ویڈیو راہل گاندھی کے سوشل میڈیا ہینڈلز پر جاری کی جائے گی۔ جمعہ کے دن، راہل گاندھی نے ایک ویڈیو جاری کی جس میں انہوں نے حکومت کی خارجہ پالیسی پر سوال اٹھائے ہیں۔
انہوں نے لداخ میں چین کے ساتھ تشدد پر مودی حکومت پر طنز کیا۔
انہوں نے کہا تھا ، "چین نے اس بار ہماری سرزمین میں دخل اندازی کرنے کا انتخاب کیا کیونکہ بھارت کی خارجہ پالیسی ، معیشت اور پڑوسی ممالک کے ساتھ تعلقات درہم برہم ہیں۔"
پارٹی کے ایک رہنما نے کہا کہ راہل گاندھی نے اسباب کی وضاحت کی کہ چین نے اس بار بھارت میں دخل اندازی کے لیے کیوں انتخاب کیا۔
چین کی پیپلز لبریشن آرمی (پی ایل اے) کے ذریعہ لداخ کی وادی میں 15 جون کو ایک افسر سمیت 20 بھارتی فوجیوں کی ہلاکت کے بعد چین کے ساتھ لائن آف ایکچول کنٹرول (ایل اے سی) کی صورتحال سے نمٹنے پر وہ حکومت پر تنقید کرتے رہے ہیں۔
بھارت میں چین کے دخل اندازی پر راہل گاندھی نے کہا، "سوال یہ ہے کہ چینیوں نے اس خاص وقت کو منتقل کرنے کے لیے کیوں انتخاب کیا اور ایسا کیا ہے کہ بھارت کے خلاف چین کو اس طرح کے جارحانہ انداز میں کارروائی کرنے پر مجبور کیا ہے؟
