کانگریس کے سابق صدر راہل گاندھی نے کہا کہ بہار میں کسان منیمم سپورٹ پرائس (ایم ایس پی) کے بغیر پریشان ہیں اور وزیراعظم نریندر مودی نے ملک بھر کے کسانوں کو اس بحران میں ڈھکیل دیا ہے۔
اس کے ساتھ ہی انہوں نے ایم ایس پی نہ ملنے پر پریشان بہار کے کسانوں کا ایک ویڈیو جاری کیا ہے جس میں کہا گیا ہے کہ اورنگ آباد کے کسانوں کو دھان کا ایم ایس پی نہیں مل رہا ہے اور حکومت ان کے بحران پر توجہ نہیں دے رہی ہے۔ کسانوں کی دھان کی کاشت پوری طرح سے برباد ہوگئی ہے۔یہ بھی پڑھیں: کسان احتجاج: پانچویں دور کے مذاکرات سے قبل مودی کی اہم میٹنگ
دریں اثنا کانگریس کے رہنما رندیپ سنگھ سرجے والا نے نریندر مودی کو کسان تحریک کو ختم کرنے کے لئے ضد چھوڑنے کا مشورہ دیا اور کہا کہ 'بادشاہت کو ترک کیجئے، راج دھرم مانئے۔ کسانوں کی بات سنیں، کالے قوانین کو منسوخ کریں، ورنہ تاریخ نے کبھی بھی غرور کو معاف نہیں کیا۔'
