کانگریس پارٹی کے سابق صدر راہل گاندھی نے کسان بچا ؤ یاترا کے دوران ان کے ٹریکٹر میں لگی گدی پر سوال اٹھانے والے بھارتیہ جنتا پارٹی (بی جے پی) کے رہنماؤں کو نشانہ بناتے ہوئے کہاکہ' انہیں میرے ٹریکٹر کی گدی تو نظر آئی لیکن ٹیکس دہندگان کے آٹھ ہزار کروڑ روپے سے خریدا گیا آرام دہ اور عالیشان ایئر انڈیا کا جہاز نظر نہیں آیا۔
راہل گاندھی نے 'کھیتی بچاو یاترا' کے تیسرے دن میڈیا سے بات چیت میں ٹریکٹر کی گدی پر پوچھے گئے سوال کے جوا ب میں کہاکہ' وزیراعظم نریندرمودی کے لئے خریدے گئے مہنگے اور لکزری طیارے کے بارے میں سوال کیوں نہیں پوچھا جاتا ؟۔
آپ کو بتا دیں کہ' راہل گاندھی، پنجاب کے وزیراعلی، پنجاب امور کے انچارج سمیت کئی رہنما جس ٹریکٹر پر یاترا کے دوران بیٹھے تھے اس کی آرام دہ گدی کو بی جے پی نے مدا بنا لیا ہے۔ راہل گاندھی نے کہاکہ جو طیارہ امریکہ کے صدر ڈونالڈ ٹرم کے پاس ہے، نریندر مودی کو بھی ایسا ہی طیارہ چاہئے جس پر لوگوں کے کروڑ روپے خرچ کئے گئے۔
مزید پڑھیں:
'چین نے ہمت کی چونکہ مودی نے ملک کو کمزور کیا'
انہوں نے کہاکہ' یہ حیرانی کی بات ہے کہ جو شخص وی وی آئی پی بوئنگ۔777خرید نے کے لئے اتنی بڑی رقم کو کیوں نہیں دیکھ رہا اور کوئی ان سے اس بارے میں سوال بھی نہیں پوچھ رہا لیکن میرے ٹریکٹر کی گردی پر مودی کے خیرخواہوں کی نگاہیں لگی ہوئی تھیں۔
