قومی دارالحکومت دہلی میں نائب صدر ایم وینکیا نائیڈو نے 'ریپڈ ایکشن فورس' (آر اے ایف) کے یوم تاسیس کے موقع پر بدھ کے روز نیک خواہشات کا اظہار کرتے ہوئے آر اے ایف کو بحران کے وقت شہریوں کے لیے پہلی کرن قرار دیا۔
مسٹر نائیڈو نے آج ایک ٹوئٹ میں کہا کہ آر اے ایف ایک سرشار اور ہمت و حوصلہ سے لبریز فورس ہے۔
انہوں نے کہا کہ قدرتی آفات یا امن و امان کی ہنگامی صورتحال میں یہ فورس لوگوں کے لیے امید کی پہلی کرن کی حیثیت رکھتی ہے۔
نائب صدر نے کہا 'ریپڈ ایکشن فورس کی 28 ویں سالگرہ کے موقع پر میں فورس کے بہادر اور سرشار افسران، جوانوں، ان کے اہل خانہ اور فورس کے سابق اراکین کو دلی مبارکباد اور نیک خواہشات پیش کرتا ہوں'۔
انہوں نے کہا کہ 'قدرتی آفات یا امن و امان کے ہنگامی حالات میں آپ ہی شہریوں کے لیے امید کی پہلی کرن ہوتے ہیں'۔
