آندھرا پردیش کے دور دراز مقامات سے مہاراشٹر کے مختلف مقامات پر نشہ آور دوا کی اسمگلنگ کے سلسلے میں موصول ہونے والی اطلاعات کی بنیاد پر پونے کسٹمز کے افسران نے نلڈورگ سولا پور روڈ پر نگرانی کی اور دو مشکوک گاڑیوں کو روک لیا۔
عہدیداروں نے کہا ہے کہ 'گاڑیوں کے اوپری حصے میں منشیات چھپائی گئیں'۔
پونے کسٹم نے ایک کارروائی میں 868 کلو 'گانجا' اور 7.5 کلوگرام 'چرس' ضبط کیا۔ نشہ آور ادویات کی قیمت 2.10 کروڑ روپے ہے-
ایک سرکاری ریلیز میں کہا گیا ہے کہ چار افراد دو گاڑیوں میں سوار تھے۔ انھیں حراست میں لیا گیا ہے۔
اعلامیہ میں کہا گیا ہے کہ پونے کسٹم کے نارکوٹکس سیل کو آندھراپردیش کے دور دراز مقامات سے مہاراشٹر کے مختلف مقامات پر نشہ آور دوا کی اسمگلنگ کے سلسلے میں ان پٹ موصول ہوا ہے'۔
