مرکز کے زیر انتظام علاقہ پڈو چیری میں 16 دن کے وقفے کے بعد عالمی وبا کورونا وائرس (كووڈ -19) کا نیا کیس سامنے آیا ہے اور ہفتہ کو ایک 19 سالہ نوجوان کورونا مثبت پایا گیا ہے۔
محکمہ صحت کے ڈائریکٹر ڈاکٹر موہن کمار نے نامہ نگاروں کو بتایا 'ملاکلام کے رہنے والے اس نوجوان کو یہاں اندرا گاندھی سرکاری اسپتال میں داخل کرایا گیا ہے۔ اس کے بعد مولا کلام علاقے کو سیل کر دیا گیا ہے اور یہ پتہ لگانے کی کوشش کی جا رہی ہے کہ یہ نوجوان اس وائرس کی زد میں کس طرح آیا'۔
مرکز کے زیر انتظام علاقے میں اس کے ساتھ ہی اس جان لیوا وائرس میں مبتلا مریضوں کی تعداد 11 ہو گئی ہے اور ماہو علاقے میں ایک 72 سالہ شخص کی موت ہوئی ہے اور 63 سالہ خاتون کو صحت یاب ہونے کے بعد اسپتال سے فارغ کر دیا ہے۔
پڈو چیری میں تین افراد کی اب تک موت ہو چکی ہے اور تین افراد اس وبا سے اب تک صحت یاب ہوئے ہیں ۔ وہیں اس نوجوان سمیت موجودہ وقت میں چار افراد اسپتال میں زیر علاج ہیں ۔
ملک بھر میں اب تک کووڈ-19 سے 24 ہزار 506 افراد متاثر پائے گئے ہیں جبکہ 775 افراد اس وائرس سے ہلاک ہو چکے ہیں۔
