جس میں بہار کے سابق نائب وزیر اعلیٰ و حزب اختلاف کے لیڈر تیجسوی یادو، بین الاقوامی شہرت یافتہ شاعر عمران پرتاپ گڑھی، بہار ایوان کونسل میں ڈپٹی اسپیکر سلیم پرویز بطور مہمان شریک ہوئے اور عوام سے خطاب کیا.
پروگرام سے خطاب کرتے ہوئے تیجسوی یادو نے مرکزی حکومت کے ساتھ ریاستی حکومت پر سخت تنقید کرتے ہوئے کہا کہ پلٹو چاچا کچھ کہتے ہیں اور کرتے کچھ ہیں، وہ کہتے ہیں ہم این آر سی نافذ نہیں کرنے دیں گے اور پھر دونوں ایوانوں میں حمایت میں ووٹ بھی کرتی ہے اور پھر این آر سی کی شاخ این پی آر کئے جانے کا اعلان بھی کرتے ہیں۔
انھوں نے مزید کہا کہ ان کی باتوں میں اتنی تضاد ہے کہ اب عوام کو ان پر بھروسہ نہیں رہا.
تیجسوی یادو نے کہا کہ ہم لڑیں گے اور جیتیں گے، ہم لڑیں آنے والی نسلوں کے لئے، ہم لڑیں گے اپنے ہندوستان کے آئین کو بچانے کے لئے کیوں کہ ہم اس ہندوستان کے اصل باشندہ ہیں، ہمیں کسی کو کاغذ دکھانے کی ضرورت نہیں ہے.
پروگرام خطاب کرتے ہوئے شاعر عمران پرتاپ گڑھی نے حالات حاضرہ پر بہترین نظم سنا کر عوام کو بیدار کرتے ہوئے کہا کہ اس وقت پورے ملک میں آگ لگی ہوئی ہے۔
شاہین باغ میں خواتین اور چھوٹے بچے سرد لہر کی قہر کو سہتے ہوئے ایک ماہ سے زائد دنوں سے اس سیاہ قانون کی واپسی کے لئے احتجاجی مظاہرہ میں بیٹھی ہوئی ہے مگر فرقہ پرست حکومت کا ایک بھی نمائندہ ان سے بات تک کرنے نہیں پہنچا ، یہ ہے مودی اور تانا شاہ کی حکومت.
پروگرام میں ارریہ ضلع کے تمام بلاک و پنچایت کے ہزاروں کارکنان یہاں پہنچے اور این آر سی و سی اے اے قانون کے خلاف آواز بلند کی. پروگرام سے سابق رکن پارلیمان سرفراز عالم ، سلیم پرویز، شاہنواز عالم، قاری صہیب ، اخترالایمان شاہین ، اشفاق کریم وغیرہ نے بھی خطاب کیا.
