بھوپال گیس متاثرین بچوں کے لیے پروگرام

ریاست مدھیہ پردیش کے دارالحکومت بھوپال کی چنگاری ٹرسٹ کے زیر اہتمام یونین کاربائٹ کیمیکل کے زہر سے متاثر بچے اب بھی پیدا ہو رہے ہیں۔

حالانکہ اس حادثے کو کئی دہائی بیت چکا ہے، اب دوسری اور تیسری نسل بھی پیدا ہونے لگی ہے، تاہم وہ گیس سے متاثر ہیں۔

بھوپال کی گیس متاثر تنظیم چنگاری ٹرسٹ کے زیر اہتمام ٹرسٹ میں آنے والے یونین کاربائیڈ کیمکل کے زہر سے متاثر لوگوں کی کی دوسری اور تیسری نسل میں پیدا ہوئے یے معذور بچوں کے ساتھ سیلیبلر پالسی ڈے منایا گیا جس میں ان معذور بچوں نے نے بڑھ چڑھ کر حصہ لیا-

اس موقع پر ان بچوں کے لیے پینٹنگ، مہدی، ڈانس اور رنگولی جیسے پروگرام منعقد کئے گئے-

غور طلب ہے کی چنگاری ٹرسٹ گذشتہ 13 برسوں سے ان معذور بچوں کے لئے اسپیچ تھرپی، فیزیو تھر پی، اکوپیشن تھرپی اور ان بچوں کے لیے خاص تعلیم کا بھی انتظام کرتی ہے-

چنگاری ٹرسٹ میں گیس سے متاثر 1022 بچے رجسٹرڈ ہیں اور ان میں سے کئی بچے اب ٹھیک ہونے لگے ہیں -

ٹرسٹ کے ذمہ داران کے مطابق اس تنظیم کو حکومت کی جانب سے کسی بھی طرح کی مدد نہیں دی جاتی ہے-

ذمہ داران کا کہنا ہے کہ اگر چنگاری ٹرسٹ کی کوششوں میں حکومت کی مدد شامل ہوجائے تو وہ دن دور نہیں جب یہ معذور بچے پوری طرح سے ٹھیک ہوجائیں گے -