پرینکا گاندھی اور کانگریس کے سینیئر رہنما طلبا کے ساتھ اتحاد کا مظاہرہ کرنے کےلیے علامتی طورپر دھرنے پر بیٹھیں ۔دھرنے پر بیٹھے سینئر کانگریسی رہنماؤں میں غلام نبی آزاد ،اے کے انٹنی ،احمد پٹیل ،کے سی وینو گوپال شامل تھے۔
پارٹی کے میڈیا سیل کے سربراہ رندیپ سنگھ سرجے والا نے کہاکہ جامعہ ملیہ میں طلبا کے خلاف پولیس نے جس طرح سے ظالمانہ کارروائی کی ہے اس کے خلاف اور شہریت ترمیمی بل کے خلاف احتجاج میں ملک بھر میں مظاہرے کررہے طلبا کے ساتھ اتحاد کا مظاہرہ کرنے کے لیے پارٹی قیادت نے علامتی دھرنا دیا ہے۔
