سابق صدر پرنب مکھرجی کو صدر رام ناتھ کووند کے ہاتھوں آج ملک کے سب اعلی شہری اعزاز بھارت رتن سے سرفراز کیا جائے گا۔
رواں برس 25 جنوری کو ملک کے سب سے بڑے شہری اعزاز 'بھارت رتن' کے لیے سابق صدر پرنب مکھرجی، گلوکار بھوپین ہزاریکا اور آنجہانی ناناجی دیشمکھ کے ناموں کا اعلان کیا گیا تھا۔
اس اعلان کے ساتھ مختلف جماعتوں کے رہنماؤں نے پارٹی لائن سے اوپر اٹھ کر پرنب مکھرجی کو اس کے لیے مبارک باد پیش کی تھی۔
وزیر اعظم نریندر مودی نے پرنب مکھرجی کو بھارت رتن دیے جانے کے اعلان پر خوشی کا اظہار کیا تھا۔
وزیراعظم نے ٹویٹ کرکے کہا تھا: 'پرنب دا ہمارے وقت کے ایک بہترین رہنما ہیں۔ انہوں نے بے لوث ملک کی خدمت کی ہے۔ ان کے جیسے ذہین بہت کم ہی لوگ ہوتے ہیں۔ مجھے خوشی ہے کہ انہیں بھارت رتن اعزاز دیا جائے گا۔'
پرنب مکھرجی ملک کے 13ویں صدر کے طور پر منتخب ہوئے تھے اور 2012 سے 2017 تک اس عہدے پر فائز رہے۔ صدر بننے سے پہلے وہ کئی دہائیوں تک کانگریس کے مضبوط ستون رہے اور سابق وزیراعظم اندرا گاندھی کے ساتھ بھی کام کیے۔
