ریاست کرناٹکہ کے بیدر شہر کے منگل پیٹ میں پولیس پریڈ گراؤنڈ میں پولیس فلیگ ڈے کا انعقاد کیا گیا۔
ڈپٹی سپرنٹنڈنٹ آف پولیس سنیل کوڈلی کی قیادت میں فلیگ مارچ کیا گیا ۔
سپرنٹنڈنٹ آف پولیس سری دھر نے اس موقع پر خطاب کرتے ہوئے کہا کہ محکمہ پولیس کے ملازمین یوگا جیسی سرگرمیوں میں مسلسل حصہ لیں اس سے صحت پر زیادہ توجہ دی جاسکتی ہے۔
انہوں نے کہا کہ اعلیٰ پولیس عہدے داران پولیس ملازمین کے مفادات کے لیے کام کریں۔
ڈپٹی سپرنٹنڈنٹ آف پولیس سنیل نے کہا کہ سماج کے لوگ سب سے پہلے کسی پر اعتماد کرتا ہے تو وہ محکمہ پولیس ہے، اس لیے پولیس ملازمین کو چاہیے کہ وہ عوام کے اس امید پر کھرے اترے اور سماج میں خوشحالی کے لیے عوام سے ربط بنائے رکھیں۔
اس موقع پر فلاحی کام کرنے والوں کے لیے محکمہ پولیس کی جانب سے عطیہ بھی کیا گیا۔
اس موقع پر وومینس پولیس کے اعلی عہدے داران کے علاوہ محکمہ پولیس کے دیگر ذمہ داران بھی موجود تھے ۔
