تلنگانہ میں پولیس نے بی جے پی رہنماؤں کو نظربند کیا

تلنگانہ میں بی جے پی کے سابق ریاستی صدر ڈاکٹر کے لکشمن سمیت کئی پارٹی رہنماؤں کو ان کے گھروں میں نظربند کر دیا گیا ہے۔

بی جے پی لیڈر جمعہ کے روز کورونا وائرس کے معاملے میں وزیراعلیٰ کے چندر شیکھر راؤ سے مل کر میمورنڈم دینے جا رہے تھے اور انہیں اس سے روکنے کے لئے نظربند کیا گیا ہے۔

قانون ساز اسمبلی میں پارٹی رہنما این رام چندر راؤ اور اسمبلی میں پارٹی لیڈر راجہ سنگھ بی جے پی وفد کے ساتھ پنجہ گٹہ ایکس روڈ سے پرگتی بھون کی طرف وزیراعلیٰ دفتر میں انہیں میمورنڈم دینے جارہے تھے۔

اس درمیان پولیس نے بی جے پی رہنماؤں کو وزیراعلی کے دفتر پہنچنے سے پہلے ہی حراست میں لے کر انہیں ان کے گھروں میں نظربند کردیا ۔