ٹیکنالوجی کے استعمال پر سندر پچائی سے وزیر اعظم کی بات چیت

وزیر اعظم نریندر مودی نے پیر کے روز امریکہ کے ٹیکنالوجی سیکٹر کی بڑی کمپنی الفابیٹ ان کارپوریشن اور گوگل کے چیف ایگزیکٹو آفیسر (سی ای او) سندر پچائی سے بھارت میں کسانوں اور نوجوانوں نیز کاروباری افراد کی زندگیوں میں تبدیلی کے تناظر میں ٹیکنالوجی کے استعمال کے بارے میں گفتگو کی۔

نریندر مودی نے آج صبح ٹویٹر پر سندرپچائی سے اپنی گفتگو کے بارے میں اطلاع دی۔

وزیر اعظم مودی نے لکھا کہ 'میں نے آج صبح سندر پچائی سے بہت معنی خیز گفتگو کی۔ ہم نے مختلف موضوعات خصوصا کسانوں، نوجوانوں اور کاروباری افراد کی زندگیوں میں تبدیلی لانے کے لیے ٹیکنالوجی کے استعمال کے طریقوں کے بارے میں بامعنی بات چیت کی'۔